فلک فیرلاداجاق سنی ده جانیم ... 

  

اوزومو وورموشام سایمامازلیغا

قارنیمین ایچیندن آغری قوزانیر

سانکی اوره ییمده بیر یارا بیتیب

دئشیلیر، دیدیلیر، باغری قوزانیر

 

 بو یارا تیکیلیب سنین الینله

تانریدا توختادا بیلمه یه جکدیر

بیلیرم جانیمی آلاجاق بیر گون

من اولسم بو یارا اولمه یه جکدیر

 

بیر گون اینجیده جک ویجدانسیزلاری

بیر گون گوزلریندن آخاجاق قانیم

حق وارسا مکافات دونیاسی وارسا

فلک فیرلاداجاق سنی ده جانیم ...