هارایلاما دردینی

لادن اسكنداني نين «بير كيچيك پاي» شعرينده كي،

، بؤيوك روحا ايتحاف .

 هارايلاما درديني

 

 دنيز گؤزلوم ، هارايلاما درديني ،

قيسقانيرام ،سني مندن آلاللار

بو اينسانلار اينامسيزليق اويره نيب ،

سني آليب مني درده سالاللار .

 

ايندي دوشونجه لر آليش ساتيشدي !،

اينديسه  دويغونو سوكور آداملار ؛

اوْ قده ر اوره كلر آلدانيب لار كي ،

صداقت گؤرجه گين ، هوركور آداملار .

 

كيچيك بير پاي دئييل ، سن ايسته ين لر ،

چيچك طراوتليم ، ايپك خيالليم –

سنده كي گئنيشليك ملك لرده دير ،

باخيشي محببت ، گولوشو بالليم .

 

نه اوْلور ، هارايلا ، هارايلا جانيم

بلكه ده اوياندي بير نئچه ويجدان ...

بلكه ده تك منيم دئييل سن آخي !

بلكه ده قوْرخورام قيسقانديغيمدان .

شريفه جعفري (دنيز)